Weight loss solution உடல் பருமன் தீர்வுகள்

 

இன்றைய தலை முறையினரின் தலையாய பிரச்சனையே உடல் பருமன் தான். இதைக் கவனிக்காமல் விட்டு விட்டால் பல நோய்களுக்கு ஆளாக நேரிடுகிறது.

உடல் பருமனைக் குறைப்பதைப் போலவே தொப்பையைக் குறைக்க வேண்டும். எதைச் செய்தாலும் தினசரிச் செயல்பாடாகக் கொள்ள வேண்டும். அப்படிச் செய்யும் போது அதுவே வழக்கமாகி விடும். எதுவும் பழக்கமாகி வழக்கமாக 48 நாட்கள், அதாவது ஒரு மண்டலம் அந்தச் செயல் தொடர வேண்டும். எப்போதும் மனம் சொல்வதைக் கேட்காமல், புத்தி சொல்வதை அதாவது நம் அறிவு சொல்வதைக் கேட்க வேண்டும். மனம் ஊசலாடும் தன்மை கொண்டது. புத்தி கறாரானது.

 

பருமன் பெருமைக்குறியதா?:

பருமனில் அழகையும் ஆரோக்கியத்தையும் பறிகொடுத்து நிற்பவர்கள் தான் ஏராளம். இதற்குக் காரணம் என்ன? வாழ்க்கை முறை, மரபு வழி, கவனக் குறைவு… இப்படி காரணங்களை அடிக்கிக் கொண்டே போகலாம். மிதமிஞ்சிய கொழுப்பு இதயத்திற்கும், சிறுநீரகத்திற்கும், கல்லீரலுக்கும் அதிக சிரமத்தைக் கொடுக்கிறது.

 

எப்படி குண்டாகிறார்கள்:

நாம் உண்ணும் உணவில் இருந்து கொழுப்புச் சத்து, நம் உடம்பில் சேகரமாகிறது. குழந்தைகள் அதிகம் சாப்பிடும் போது, கொழுப்பு உடம்பினுள் அதிக அளவு சேகரமாகிறது. இத்தகைய குழந்தைகள் தான் பிற்காலத்தில் பருமன் ஆகிற நிலை ஏற்படுகிறது.

 

உடல் பருமன்/ தொப்பையைக் குறைக்க நடைப்பயிற்சி அவசியம்:

 

• 15 முதல் 30 நிமிடங்கள் நடக்கும் போது உடம்பிலுள்ள குளுக்கோஸ் குறைந்து இரத்தத்தில் சர்க்கரை அளவை குறைக்கிறது.
• உடற்பயிற்சி செய்யும் போது உடல் பருமன் குறைகிறது.

 

 

எப்படிச் சாப்பிட வேண்டும்:

 

• அதிகாலையில் ஒரு கப் வெது வெதுப்பான தண்ணீர் அல்லது தேன் கலந்த எலுமிச்சைச்சாறு.
• காலை சப்பாத்தி, பருப்பு வகைகள், ப்ரெட், காய் கறிகளுடன் கேழ்வரகு தோசை, முட்டை வெள்ளைக் கரு, ஏடு நீக்கப்பட்ட பால் அல்லது பழச்சாறு.
• குறைவான எண்ணெயில் வதக்கிய காய்கறிகள் சேர்த்துக் கொள்ளலாம்.
• சாலட் வகைகளில் தக்காளித் துண்டுகள், பச்சைக் காலிபிளவர், சிறு சிறு துண்டுகளாக்கப் பட்ட காபேஜ்
• முள்ளங்கி, காரட், வெள்ளரி, பீட்ரூட், பச்சை மிளகாய் துண்டுகளுடன். முளைத்த சோயா, பறங்கி விதைகள், கொண்டைக்கடலை, பட்டாணி, கொத்துமல்லி தூவிய தயிருடன்.
• நொறுக்கு வகைகளில் பருப்புகள், உலர்ந்த பழங்கள், வேர்க்கடலை , பேரீட்சை, கோதுமை.

 

இதையும் நினைவில் வைத்துக் கோள்ளுங்கள்:

 

அன்றாடத் தேவையான வைட்டமின் ‘ ஏ 1’ சத்தை காரட், 25 மி.கி தயிர் 100கி பழுத்த மாங்கனிகளில் பெற முடியும்.

வைட்டமின் சி தேவையை நிறைவு செய்ய, தினம் ஒரு ஆரஞ்சு போதும்.

வாரம் ஒருமுறை மீன் சாப்பிட வைட்டமின் ‘டி’ சத்து கிடைத்து விடும். தயிர் அல்லது பாலிலும் இந்த வைட்டமினைப் பெற முடியும்.

புரதத் தேவைக்கு முட்டை, கோதுமை, பீன்ஸ் இவற்றில் ஏதாவது ஒன்று போதும்.

பற்களையும், எலும்புகளையும் பராமரிக்க தேவைப்படும் கால்சியம் பாலிலும், மீனிலும் உள்ளது.

உலர்ந்த பழங்களிலும், கீரைகளிலும் அயர்சத்து உள்ளது. இந்த மாதிரி உணவுகளை எடுத்துக் கொள்ளுங்கள்.

காலை 6 முதல் இரவு 6 மணிக்குள் சாப்பிட்டு முடிக்க வேண்டும். 6மணிக்குள் சாப்பிடும் போது தான் சரியான முறையில் ஜீரணம் ஆகும்.

சாப்பிட்ட பிறகு 10 நிமிடம் நடக்க வேண்டும்.
இருக்கின்ற இடத்திலேயே முடிந்த அளவு நடக்கலாம்.

உடல் பருமனை குறைக்க நினைப்பவர்கள் ஓட்ஸ் கஞ்சி குடிக்கலாம்.

அவசியம் 6 முதல் 8 மணி நேரம் தூங்க வேண்டும்.

கலோரிகள் குறைவாக உள்ள உணவுகளைச் சாப்பிட வேண்டும். 0 கலோரி குறைவாக உள்ள பொருட்களை சாப்பிட வேண்டும். அதிகம் கலோரிகள் உள்ள பொருட்களை சாப்பிடும் போது உடல் எடை அதிகமாதல் மற்றும்தேவை இல்லாத நோய்கள் ஏற்படக் கூடும். கலோரிகள் குறைவாக இருக்க வேண்டும் என்றால் சத்துக்கள் இல்லை என்று அர்த்தம் இல்லை. உடலுக்கு தேனவையான அனைத்து சத்துக்களும் கிடைக்கும். 0 கலோரிகள் காய்கறிகள் பார்க்கலாம்.

வெள்ளரிக்காய்:

96% தண்ணீர் மட்டுமே வெள்ளரிக்காயில் உள்ளது. கார்போஹைட்ரேட் கொழுப்பு இல்லை. வெள்ளரிக்காயை சாப்பாட்டு சாப்பிடுவது போலவும் சாப்பிடலாம்.

பப்பாளி:

பப்பாளியில் இரும்புச் சத்து அதிகம் உள்ளது. பப்பாளி இயற்கை தந்த வரம். வைட்டமின் சி, போலேட், நார்ச் சத்துக்கள் நிறைந்தது. கொழுப்பைக் கரைத்து, நம் உடம்பிலுள்ள அழுக்கை நீக்கி ஆரோக்கியமாக வாழ வைக்கும்.

மஞ்சள் பூசணிக்காய் / அரசாணிக்காய்:

இதில் மல்டி விட்டமின் நிறைய இருக்கிறது. பூசணிக் காய் விதையை நன்கு வெயிலில் காய வைத்து பொடி செய்து பாலில் குடிக்கலாம். இதனால் 0 கலோரி கிடைக்கும். நல்ல கொழுப்பு அதிகமாகும். இந்த காயில் ஜிங்க், செலினியம், பைபர், வைட்டமின் E,A,C உள்ளன.

ஆலிவ் ஆயில்:

ஆலிவ் ஆயில் 0 கலோரி தான். இருந்தாலும் அளவாக சாப்பிடனும். இதில் வைட்டமின் E, பைபர்ஸ், மினரல்ஸ் அதிகம் உள்ளது .

 

காலையில் சாப்பிட வேண்டியவை:

1. காலையில் டீ, காபி குடிக்க கூடாது. அதற்குப் பதிலாக கீரீன் டீ, Black டீ சர்க்கரை இல்லாமல் குடிக்கலாம். அல்லது கொத்தமல்லி, புதினா கலந்து கொதிக்க வைத்தும் குடிக்கலாம்.
2. பார்லி, ஓட்ஸ் போன்றவை கொழுப்பைக் கரைக்கக் கூடியவை. இந்தக் கஞ்சிகளை தாராளமாகக் குடிக்கலாம்.

 

எடை இழப்பிற்கு சில யோசனைகள்:

 

கொழுப்புச் சத்துள்ள உணவுகளைத் தவிர்த்து கோள்ளுங்கள். 0 கலோரி உணவுகள் சாப்பிடுவதை வழக்கமாக்கிக் கொள்ளுங்கள்.

காருக்கு பெட்ரோல் போடுகிற மாதிரி உங்கள் உடம்புக்கு உணவு ஒரு எரிபொருள். எனவே எளிதில் எரியக்கூடிய மாவுச் சத்துக்களுக்கு முக்கியத்துவம் கொடுங்கள்.

எக்காரணத்தைக் கொண்டும் காலை உணவைத் தவிர்த்து விடாதீர்கள். உங்கள் உடம்புக்கு தேவையான போஷாக்கு சத்துக்களையும், திரவங்களையும் காலை உணவு தான் வழங்குகிறது.

ஃபாஸ்ட் ஃபுட் ஜாயிண்டுகள் பெரும்பாலும் கொழுப்புச் சத்து அதிகம் உள்ள உணவு வகைகளையே விற்பனை செய்யும். முடிந்த வரை தவிர்த்து விடுங்கள்.

இனிப்பின் மீதுள்ள மோகத்தை விலக்குங்கள். காலைச் சிற்றுண்டியில் கண்டிப்பாக இனிப்பு வேணாடாம்.

உணவை வறுகாகவோ, வதக்கவோ வேணாடிய சந்தர்ப்பங்களில் எண்ணெய் இல்லாமல் அல்லது குறைவான எண்ணெயில் சமையுங்கள்.

‘சாலட்’ தயாரிப்பில் எண்ணெய் வேண்டாம். கலோரி குறைவான ‘வினிகர்’ அல்லது எலுமிச்சை சாறு பயன்படுத்தினால் போதும்.

தொடர்ந்து வேலை செய்யும் போது எதையாவது சாப்பிட்டு வைக்கத் தோன்றும். அப்படி சாப்பிடுகையில் உடல் எடை அதிகமாகலாம். முடிந்நத வரை இந்தப் பழக்கத்தை தவிர்ப்பது நல்லது.

சாப்பாட்டுக்கென்று ஒரு டைரி போட்டு வைத்துக் கொள்ளலாம். இது கொஞ்சம் பைத்தியகாரத் தனமாக தோன்றினாலும், எதை எவ்வளவு சாப்பிட்டோம் என்று புரிந்து கொண்டால், பிற்பாடு அவற்றைக் குறைத்துக் கோள்ளலாம்.

எடை இழப்புத் திட்டத்தில் உங்களுக்கு உதவுகிறவர் ஒரு டாக்டராகத் தான் இருக்க முடியும். அக்கம் மக்கத்து சிநேகிதர்களின் ஆலோசனைகளைக் கேட்கக் கூடாது.

சப்பாத்தி மாதிரி மாவுச் சத்து உள்ள பொருட்களை முதலில் சாப்பிடுங்கள். பிற்பாடு கொழுப்பு அதிகம் உள்ள பொருட்களைச் சாப்பிடத் தோன்றாது.

பொறுமையாகச் சாப்பிடுங்கள். அப்போது தான் உங்கள் மூளை போதும் என்ற சிக்னலை சரியான நேரத்தில் வழங்க முடியும்.

ஒவ்வொரு சாப்பாட்டுக்கு பிற்பாடும் பல் துலக்கி விடுங்கள். ஃப்ரிஜ்ஜில் இருக்கும் கீர், சாக்லேட் சமாசாரங்களை மறந்து விடுங்கள்.

இரவு 7 மணிக்குப் பிறகு எதுவும் சாப்பிடுவதில்லை என்பதில் உறுதியாக இருங்கள்.

உங்களுடைய முன்னேற்றத்தை வாரம் ஒருமுறை செக் செய்து கொள்ளுங்கள்.

எடை கூடியவர்களுக்கு என்று நிறைய மருந்து மார்கெட்டில் வந்து கொண்டிருக்கும்.
இதை தவிர்ப்பது நல்லது. நிரந்தர எடை இழப்பிற்கு உடற்பயிற்சி தான் சிறந்தது.